PUGNANDI mos vetus

PUGNANDI mos vetus

indigitatur Statio, Thebaid. l. 8. v. 572.

Arma refert sociis et in agmina fida, peractâ

Caede, redit ————

Nempe Heroes ante agmina sua procurrentes olim pugnabant, et partis spoliis aut caede peractâ redibant ad turmas suas, uti ex Homero videre est. Quem morem ante aliquot saecula, in pugna illa celeberrima Bovinensi, (quâ stabilivit sibi posterisque Regnum Franciae Philippus Augustus) Reginaldum Boloniae Comitem fuisse imitatum, scribit Rigordus, qui pugnae illi interfuit. Hinc de eodem Guil. Britto l. 11. v. 252.

Bolonidesque sibi simili prospexerat arte,

Inque chori speciem pedites triplicaverat ipsos,

Ut, quoties vellet, per cos invaderet hostem,

Seque receptaret, quoties opus esset, in illos etc.

Porrô primum intorquebant hosti iaculum Veteres, deinde ense invadebant, Strabo, l. 10. ubi de Euboeensibus. Et de Latinis Virg. Aen. l. 10. v. 474.

At Pallas magnis emittit viribus hastam,

Vaginaque cava fulgentem diripit ensem.

Vide eundem de pugna Aeneae ac Turni, l. 12. Statum vero pugnantium, indicat idem l. 10. cit. v. 587.

———— ———— proiectô dum pede laevô

Aptat se pugnae etc.

Quam in rem, Vide Papin. Statium, Thebaid. l. 9. v. 473.